O encontro masculino disputarase este venres ás 20:30 horas, mentres que o partido feminino terá lugar o sábado ás 11:30 horas. Ambos os partidos celebraranse no mesmo escenario.
O prezo das entradas será de 10 euros por partido, existindo tamén un bono de 15 euros para asistir a ambos. Os menores de 16 anos terán acceso gratuíto. As localidades poderán adquirirse en Cluber ou na propia taquilla do pavillón o día do evento.
Juanma Marrube, adestrador do Reyco Burela FS, debutará como seleccionador galego absoluto masculino de fútbol sala. Marrube foi recentemente elixido pola Real Federación Galega de Fútbol (RFGF) para substituír a Diego Ríos.
“"Esperamos que a xente veña apoiar ás seleccións galegas."
A lista de xogadores galegos conta cunha notable representación de equipos lucenses, incluíndo a Pitero, Charly e Alberto do Reyco Burela FS; Bruno Silvén, Yeray e Yago Tenreiro do Lugo Sala; e Iago Míguez do Xove. O evento está organizado polo Ribeira FS e a RFGF.
