A responsable de Promoción da Igualdade, Eloína Ingerto, destacou que dar a coñecer este recurso ao inicio do curso facilita que os estudantes poidan facer uso del ao longo do mesmo, tanto de forma presencial como en liña ou por videochamada.
No pasado curso, arredor de 4.450 mozos coñeceron o labor do servizo Quérote+ nas xornadas de benvida universitarias.
Este ano, as mesas informativas e os obradoiros sobre relacións igualitarias e de bo trato deste recurso da Xunta xa pasaron polos sete campus da comunidade: Ourense, Pontevedra, Vigo, A Coruña, Ferrol, Santiago e, hoxe mesmo, Lugo.
