O goberno local aprobou mediante decreto a selección de cinco profesionais que integrarán este equipo de emerxencias. A iniciativa, que conta con financiamento da Xunta de Galicia, ten como obxectivo reforzar tanto as tarefas de prevención como as labores de extinción no municipio. O equipo deberá estar operativo antes do 31 de xullo.
A medida responde á necesidade de actuar nunha contorna estratéxica como O Carme, situada nas proximidades da Muralla de Lugo. Esta área, que combina vexetación densa con camiños históricos como a Vía Romana XIX e o Camiño Primitivo, rexistrou varios conatos de incendio nas últimas semanas que requiriron a intervención dos bombeiros.
Ademais da creación da brigada, o executivo municipal está a contactar cos propietarios das parcelas privadas situadas nesta zona para asegurar o seu mantemento. A normativa autonómica establece a obriga de manter os terreos limpos para minimizar a propagación do lume, unha responsabilidade que o consistorio busca facer cumprir para protexer o centro da cidade.
