O primeiro dos sucesos tivo lugar pouco antes das 17.40 horas en O Corgo. Un turismo e unha motocicleta colisionaron no punto quilométrico 13 da estrada provincial LU-P-2904, ao seu paso polo lugar de Cerceda. O condutor do vehículo de dúas rodas precisou asistencia médica tras o impacto.
Máis tarde, arredor das 18.30 horas, produciuse un segundo incidente na comarca da Ulloa. Tratábase dunha colisión por alcance na que se viron implicados dous automóbiles no punto quilométrico 135 da estrada N-640, na parroquia de Dorra, en Antas de Ulla.
Un dos implicados alertou ao 112 Galicia para solicitar axuda, dado que nun dos coches viaxaba un menor de idade. Os servizos sanitarios desprazáronse ao lugar para avaliar o estado dos ocupantes, mentres que as forzas de seguridade regularon o tráfico e realizaron as tarefas de limpeza na vía.
