O alcalde de O Páramo, José Luis López, do Partido Popular, presentou un escrito de renuncia á súa acta de concelleiro por motivos persoais. Deste xeito, deixará a alcaldía e a corporación municipal deste concello lucense a un ano das próximas eleccións locais.

Segundo confirmaron fontes do Partido Popular na provincia de Lugo, quen asumirá a alcaldía será o ata agora tenente de alcalde, Benjamín García. Este xa tiña delegadas as funcións de alcaldía dende hai tempo debido á baixa do titular.

A renuncia do actual rexedor farase efectiva nun pleno que se celebrará este xoves, 28 de maio, a partir das 20:00 horas.

O Partido Popular quixo expresar publicamente o seu "agradecemento" a José Luis López polo seu "traballo e dedicación" como alcalde de O Páramo, destacando a "responsabilidade" cos veciños e a "xenerosidade" do servizo público. Tamén lle transmitiron os seus "mellores desexos no ámbito persoal e de saúde".