A intervención tivo lugar arredor da 1.40 horas, cando un indicativo do Grupo Operativo Nocturno detectou un turismo cuxo titular presentaba incidencias no seu permiso de conducir. Ao darlle o alto, os axentes comprobaron que o condutor non era o titular do vehículo, pero si tiña o permiso en vigor.

Non obstante, o home mostraba "signos claros de atoparse baixo os efectos do alcol", o que levou á realización das probas de alcoholemia. O resultado foi de 1,04 miligramos por litro de aire expirado, unha cifra que supera en catro veces o límite legal establecido, motivo polo cal se lle abriron dilixencias por un delito contra a seguridade viaria.

Durante todo o proceso, o condutor mantivo unha actitude "desafiante, insultante e agresiva" cara aos membros da autoridade, o que derivou nunha segunda denuncia por falta de respecto aos axentes. Ademais, os policías requisáronlle un coitelo que levaba na guantera do coche, engadindo unha terceira denuncia por portar unha arma branca.