Segundo afirma o concelleiro socialista, "Resulta imposible elaborar en pouco máis dun mes toda a documentación técnica requirida para unha convocatoria destas características sen licitación, sen contratación externa e sen ningún procedemento administrativo previo é simplemente faltar á verdade".
Bustos lembrou que o expediente foi redactado polo Gabinete de Arquitectura e Urbanismo (Gau), contratado polo anterior goberno, e destacou a intensa participación dos servizos técnicos municipais neste proceso.
Estas críticas xorden despois de que o goberno local anunciase a súa intención de solicitar ao Instituto Galego de Vivenda e Solo (IGVS) a declaración de Ari para esta área da cidade. O obxectivo é que os propietarios de aproximadamente 475 vivendas, situadas en 27 rúas, poidan acceder a axudas para a súa rehabilitación, mobilizando preto de 13,6 millóns de euros.
