O evento, que tivo lugar na capital lucense, contou coa presenza de representantes das institucións civís e militares da provincia. Durante o acto, realizouse a entrega de quince condecoracións e rendéuselle homenaxe aos axentes que faleceron mentres exercían o seu servizo.
Alfonso Villares subliñou o labor “fundamental” que desenvolven tanto a Policía Nacional como a Unidade de Policía Adscrita (UPA). Destacou a súa importancia para “garantir a protección da cidadanía e a defensa das liberdades”, así como para contribuír a que Lugo e Galicia sexan espazos seguros para residir e visitar.
