A vítima, residente en Lugo, foi contactada a través de redes sociais mediante técnicas de enxeñaría social, coa promesa de obter grandes beneficios económicos a través de investimentos. Seguindo as instrucións dos presuntos estafadores, instalou unha aplicación no seu dispositivo móbil que, sen o seu coñecemento, outorgaba control remoto aos ciberdelincuentes. Ademais, abriu unha conta bancaria específica para realizar os pagos indicados.
Segundo informou a Policía Nacional, a persoa enganada realizou transferencias de diñeiro a contas tanto nacionais como estranxeiras, superando os 60.000 euros, aos que posteriormente xa non puido acceder. A pronta denuncia e a actuación dos axentes foron cruciais para bloquear dúas destas operacións, que ascendían a 60.000 euros.
Mediante engano, a vítima realizou transferencias de diñeiro a contas estranxeiras e nacionais por unha cantidade superior aos 60.000 euros, un diñeiro ao que finalmente xa non podía acceder.
A investigación sobre este caso permanece aberta e o procedemento xudicial xa está en curso. Esta modalidade delituosa, coñecida como estafa de investidores, utiliza a enxeñaría social para captar vítimas, persuadíndoas para realizar envíos iniciais de diñeiro e, ao observar supostos beneficios, motivalas a investir cantidades maiores.
O diñeiro nunca chega a estar en posesión directa dos autores da fraude, que empregan “mulas” ou “contas mulas” (outras vítimas enganadas) e intermediarios para converter os fondos en criptoactivos, mantendo así o seu anonimato e dificultando o rastrexo do diñeiro ilícito.
