A pesar das elevadas temperaturas, centos de afeccionados achegáronse ao recinto do mercado gandeiro para gozar dunha xornada repleta de actividades centradas no mundo ecuestre. A feira incluíu un mercado de gando equino, concursos morfolóxicos de diversas razas, probas de andaina e espectáculos ecuestres, ademais de sorteos para o público asistente.

O Concello de Friol repartiu un total de 7.000 euros en premios entre os gañadores das distintas categorías, recoñecendo a calidade e o esforzo dos participantes.

Nos concursos morfolóxicos de Pura Raza Galega, destacaron exemplares como Larpeira da Celta e Cendemil do Celta, ambos de Adrián Mariño Salgueiro. Na categoría de sementais e iúgas, impuxéronse África, de Antonio Arada Regueira, e Campeiro de Esteiro, de Lino Freire.

A competición tamén acolleu exemplares de Pura Raza Árabe, Cruzados e Pura Raza Española, con gañadores como Fernando Amor, Garaloces Arabians, Yeguada Los Gemelos, Damián Castro, Víctor Freire, Fernando Cebeiro, Nicolás Arrojo, Diego Blanco, Yeguada Touceda, Neira García, entre outros.

As probas de Andadura Tradicional Galega foron outro dos grandes atractivos. Duque, de Francisco Porto, e Lucero, de Ismael Rodríguez, alzaron os premios nas súas respectivas categorías. Na andaina libre, resaltaron Rocky, de David Rego; Zafiro, de Manuel González; e India, montada por Thiago Mourente na Sub-16.

A exhibición ecuestre de Miron Bococi puxo o colofón a unha xornada intensa que reafirma a forte vinculación de Friol co mundo do cabalo.