A Deputación da Coruña mantivo un encontro coa CMAT (asociación de turismo da Costa da Morte) para analizar o estado do Parque do Megalitismo. Na reunión participaron o deputado de Patrimonio, Xosé Penas; o presidente do Parque e alcalde da Laracha, José Manuel López Varela; e a concelleira de Dumbría e vogal da CMAT, María Lema Santabaya.
Abordouse o avance do proxecto, incluíndo as expropiacións xa asinadas co Estudo Técnico Galego e as actuacións de sinalización que facilitarán a identificación do patrimonio e a futura organización de visitas.
“"A posta en marcha das visitas e a execución do proxecto permitirán valorizar o importante legado megalítico do territorio, mellorar a súa difusión e contribuír á creación dunha oferta turística vinculada á historia, á cultura e á identidade local."
“"O parque representa, así, unha oportunidade para reforzar o atractivo da Costa da Morte como destino turístico, diversificar os recursos que ofrece ao visitante e favorecer a dinamización dos concellos implicados, poñendo en valor un patrimonio singular e compartido."
Ambas as entidades destacaron a "estreita e fluída colaboración" como "fundamental" para o éxito do proxecto, subliñando que a cooperación entre administracións e o sector turístico local é clave para a promoción dos recursos da comarca e o impacto positivo do Parque do Megalitismo.
