O departamento de Servizos Sociais do Concello de Valdoviño informa da apertura do prazo para solicitar as estancias do programa Termalismo Social que impulsa o IMSERSO. Os veciños maiores poderán acudir á planta baixa da casa consistorial para recibir axuda na tramitación, sen necesidade de solicitar cita previa.
O programa está dirixido a persoas pensionistas de xubilación ou incapacidade permanente; de viudedade con 55 ou máis anos; por outros conceptos ou perceptor de prestacións ou subsidios de desemprego con 60 ou máis anos, ou asegurado ou beneficiario do Sistema da Seguridade Social español, con 65 ou máis anos de idade. Tamén se permite a asistencia do cónxuxe ou parella de feito, cumprindo requisitos, e de fillos con discapacidade igual ou superior ao 45% se se aloxan na mesma habitación.
As quendas terán unha duración de 10 días (9 noites) e realizaranse entre febreiro e decembro de 2027. Inclúen aloxamento e manutención en réxime de pensión completa en habitacións dobres compartidas, tratamentos termais e actividades de lecer. O custe da estancia variará segundo o balneario.
O prazo para solicitar a adhesión ao programa conclúe o 5 de decembro para as quendas entre febreiro e agosto, e o 12 de maio para as quendas entre setembro e decembro.
