A artista local Martina Beceiro, con estudo en Porto do Cabo, en Vilarrube, será a encargada de guiar as sesións, que se celebrarán os xoves na antiga escola unitaria da parroquia. A concelleira de Cultura, Tamara Sabín, achegouse ata as instalacións municipais para saudar ás e aos participantes.
Esta iniciativa forma parte da aposta do Concello por descentralizar a actividade cultural nas diferentes parroquias da localidade. A boa experiencia do pasado ano levou á maioría do alumnado a repetir, sumando novas inscricións ata completar o aforo.
