O Concello de Narón busca minimizar as molestias aos usuarios trasladando todos os servizos e actividades que se viñan realizando nas Casas da Mariña ao centro comunitario Manuela Pérez Sequeiros, situado no mesmo barrio. Deste xeito, as persoas usuarias poderán manter os seus hábitos na mesma zona.
Ambos os centros, Casas da Mariña e Manuela Pérez Sequeiros, son de titularidade municipal e están integrados, ofrecendo unha función social e de atención integral a persoas maiores. Neles organízanse diversas actividades de lecer e formación, como novas tecnoloxías, lectura, artes plásticas, ioga e ximnasia, ademais de servizos de cafetería, cociña, comedor e salón de peiteado.
A reforma do centro das Casas da Mariña conta cun orzamento de 285.666,10 euros e inclúe melloras no pavimento, nos aseos, na carpintaría exterior, nas instalacións eléctrica e de calefacción, e na protección contra incendios. O prazo de execución previsto para estas obras é de catro meses.
