A presidenta de Portos de Galicia, Natalia Botana, desprazouse esta mañá ao porto de Mugardos para avaliar o estado das instalacións no bordo portuario e estudar propostas para mellorar a seguridade. Durante a visita, estivo acompañada polo alcalde da localidade, Juan Domingo de Deus.
Ambos os responsables abordaron as prioridades de actuación na pasarela peonil que bordea a zona portuaria. Consensuaron a necesidade de empregar materiais de alta resistencia e durabilidade, tendo en conta a forte exposición dos materiais ás condicións meteorolóxicas adversas e á acción do mar.
Esta actuación sobre a pasarela de Mugardos está incluída na planificación orzamentaria de Portos de Galicia para 2027, cunha partida plurianual prevista para o exercicio seguinte e 2028.
