A planta está a desenvolver un proxecto para implementar unha nova liña que lle subministre enerxía, co obxectivo de contar cunha alimentación eléctrica adicional. Isto permitirá incrementar a robustez do seu sistema de subministro e manter a operación en distintos escenarios. O organismo que preside José Antonio Álvarez Vidal autoriza así a execución dos traballos que afectan á zona de servizo da Autoridade Portuaria.
As obras consisten na execución de 65 metros de canalización subterránea para subministro eléctrico e modificacións na subestación da regasificadora.
Ademais, na reunión do consello de administración tamén tomou posesión como vogal o novo capitán marítimo, César Pita, en substitución de Ángel del Real. Renovouse tamén a Patricio Erhardt como representante das organizacións empresariais.
Aprobouse tamén o nomeamento dos novos membros do Consello de Navegación e Porto dos portos de interese xeral de Ferrol e San Cibrao, que estará presidido polo director da Autoridade Portuaria, José Ignacio Villar.
