Os feitos tiveron lugar pasadas as 10:00 horas cando a sala do 092 alertou á Policía Local para que se desprazase de inmediato ao lugar do suceso. Unha vez alí, os axentes localizaron ao menor, residente na cidade departamental, quen presentaba dores na zona lumbar e no pescozo debido ao impacto.
O servizo de emerxencias 061 mobilizou unha ambulancia, cuxos efectivos asistiron ao mozo no mesmo lugar do accidente. Posteriormente, foi trasladado ao Complexo Hospitalario Universitario de Ferrol (CHUF) para unha exploración máis exhaustiva. Afortunadamente, as feridas non revestían gravidade, segundo as primeiras avaliacións.
O accidente produciuse de xeito fortuíto cando intentaba pechar a folla e esta se lle escorregou das mans, caendo ao baleiro sobre a vía pública.
A investigación policial permitiu identificar á muller que reside na vivenda de onde caeu a ventá. Segundo o seu testemuño, o incidente foi accidental, ocorrido mentres intentaba pechar a folla da ventá, que se lle escorregou das mans. A inquilina proporcionou aos axentes os datos do propietario do inmoble, quen confirmou que a vivenda dispón dun seguro de responsabilidade civil para cubrir os posibles danos. A nai do menor tamén estivo presente no lugar e foi identificada polos axentes durante as dilixencias.
