O suceso tivo lugar pasadas as 22:30 horas no inmoble situado fronte ao hotel Excelsior, nas proximidades da Praza do Concello. A rápida intervención dos efectivos do Speis de Narón non puido evitar que a vivenda quedase totalmente reducida a cinzas.

A Policía Local procedeu ao desaloxo preventivo das vivendas lindeiras para garantir a seguridade dos residentes. Aínda que o edificio levaba tempo deshabitado, ao parecer fora adquirido tan só uns días antes do incidente.

Polo momento, descoñécense as causas que orixinaron o lume, que provocou importantes danos materiais pero, afortunadamente, non deixou vítimas.