A iniciativa parlamentaria rexistrada polo PSdeG busca a elaboración e execución inmediata dun proxecto de rehabilitación integral para o colexio. Ademais, solicita medidas provisionais que garantan condicións dignas, seguras e hixiénicas para o alumnado e o persoal educativo.
“"Ter condicións dignas para poder impartir a docencia é o mínimo que se lle pode esixir á Xunta de Galicia."
O deputado socialista alertou sobre o avanzado deterioro das instalacións, mencionando a presenza de "pingueiras, manchas de humidade, fiestras absolutamente destartaladas" e unha infraestrutura en "condicións pésimas" debido á falta de mantemento. O PSdeG presentará varias iniciativas no Parlamento para demandar unha actuación inmediata do Goberno galego.
Pola súa banda, o portavoz socialista en Narón criticou a pasividade das administracións. Sinalou que "o goberno local ponse de perfil mentres os baños do colexio seguen nun estado deplorable" e instou á alcaldesa a liderar a defensa dos intereses do alumnado e a exercer unha maior presión institucional.
“"O Concello ten que estar coa ANPA e poñerse á fronte das reivindicacións das familias, non nas fotos."
Desde o PSdeG insisten en que a situación do CEIP da Solaina é resultado dunha falta de planificación e investimento sostido en infraestruturas educativas, reclamando unha resposta inmediata que asegure un ambiente axeitado para a ensinanza.
