O conxunto dirixido por Gerard Casas, que iniciou os adestramentos esta semana, disputará un total de seis encontros de preparación. O primeiro deles será o vindeiro venres 14 de agosto na localidade de Chantada, onde se enfrontarán á selección de Indonesia, adestrada polo ex técnico parrulo Héctor Souto.
O domingo 16 de agosto, o equipo presentaráse ante a súa afección no pavillón A Malata cun duelo contra o SC Braga. Este será o primeiro dos tres partidos que O Parrulo xogará como local antes do comezo da competición oficial.
A semana seguinte, os días 21 e 22 de agosto, O Parrulo participará no Torneo Portus Apóstoli. O venres enfrontaranse ao Palma Futsal en semifinais, e o sábado loitarán polo título ou polo terceiro posto contra o Noia ou de novo contra Indonesia.
O calendario de pretempada pecharase con dous partidos máis na cidade naval. O sábado 29 de agosto recibirán ao Reyco Burela ás 18:00 horas, e o mércores 4 de setembro enfrontaranse ao Noia ás 20:00 horas, poñendo así o broche final á preparación.
