Tras varios anos de estabilidade nas capturas, un episodio de elevada mortalidade en 2024 reduciu de forma significativa a poboación de zamburiña na ría. Dende xuño de 2026, o equipo do IIM-CSIC colabora co persoal técnico das confrarías nos mostraxeos para estimar a densidade do banco e coñecer a distribución de tallas, datos que permitirán saber cantos exemplares hai por unidade de superficie e que tamaños predominan.
A investigación cartografará as zonas que ocupan os xuviles e os adultos, estudará como se reproduce a especie nas condicións ambientais actuais e avaliará se é viable obter semente local para reforzar a poboación natural. Os resultados servirán de base para elaborar cunha plan de xestión específico para a ría, que se desenvolverá ata finais de 2027.
O proxecto conta co financiamento da Consellería do Mar da Xunta de Galicia, a través do Fondo Europeo Marítimo, de Pesca e de Acuicultura (FEMPA), no marco da Rede REDEMAR.
“"Tras a presentación, a cociñeira Beatriz Sotelo ofrecerá unha demostración gastronómica dedicada á zamburiña, seguida dunha degustación para as persoas asistentes."
