O obxectivo principal deste plan é manter baixo control as poboacións de roedores, insectos e outros microorganismos que poidan xerar problemas de salubridade pública. O foco estará nas pragas urbanas comúns, como ratas, ratos, cucarachas e pulgas, excluindo as de ámbito agrícola ou forestal.
A empresa adxudicataria será responsable de realizar traballos de desratización, desinsectación e desinfección en diversas instalacións e espazos públicos. Isto inclúe locais e edificios municipais, a rede de alcantarillado, vías públicas, parques, xardíns e prazas. En casos de necesidade, os tratamentos de desratización poderían estenderse á rede de alumeado público e semafórica.
O documento técnico tamén especifica que, ante calquera circunstancia extraordinaria que supoña un risco para a saúde pública, a empresa deberá achegar os medios necesarios sen que isto implique un custo adicional sobre o servizo contratado.
Ademais, o plan pon énfase na protección do medio ambiente, buscando minimizar o uso de biocidas e priorizando o emprego sostible de insecticidas e rodenticidas. Os produtos a utilizar deberán ser de baixa toxicidade para persoas e animais domésticos, e non deberán xerar contaminación nos solos nin nas plantas.
O servizo incluirá dez días de xornada completa ao mes, o que suma 960 horas anuais. Tamén abarcará traballos de desinfección e análises para a prevención e control da lexionela en instalacións como campos de fútbol, centros escolares e locais sociais.
