O sinistro tivo lugar na estrada que conecta Ares co municipio veciño de Mugardos, arredor das 20:45 horas. Un particular alertou do suceso á Central de Emerxencias do 112 Galicia.
Tras recibir o aviso, o 112 mobilizou ao Servizo de Urxencias Sanitarias de Galicia-061, ao GES de Mugardos, á Garda Civil de Tráfico e a Protección Civil. Os efectivos do Grupo de Emerxencias Municipal tiveron que empregar material específico para liberar á muller do interior do vehículo.
A condutora presentaba diversas feridas e foi atendida no lugar antes de ser trasladada en ambulancia ao hospital de referencia para recibir atención médica.
