O aviso foi dado pola Policía Local, que detectou fume saíndo do inmoble e alertou aos servizos de extinción. Á súa chegada, os efectivos dos Bombeiros de Narón confirmaron que o edificio estaba baleiro, polo que procederon a realizar as tarefas de control das lapas.
Durante a intervención, na que tamén colaboraron axentes da Policía Nacional, os bombeiros revisaron os puntos quentes da estrutura e ventilaron o recinto para eliminar o fume acumulado. As autoridades non precisaron polo momento cal foi a orixe do lume nin a extensión exacta da superficie afectada.
