A Garda Civil sancionou un home na madrugada deste mércores despois de que este intentase poñerse ao volante do vehículo no que acudira coa súa acompañante ao castelo da Palma, en Mugardos. A muller tivera que ser trasladada a un hospital tras caer nun foso de tres metros de profundidade.
Os servizos de emerxencia recibiron a chamada pasadas as 00.00 horas informando da caída da muller. Mobilizáronse os Bombeiros do Eume, o GES de Mugardos, Urxencias Sanitarias e a Garda Civil. Tras ser atendida no lugar, a muller foi trasladada a un centro hospitalario. Segundo a información facilitada, ambos presentaban síntomas de embriaguez.
“"Tras comprobar o resultado, os axentes propuxérono para sanción, impedindo así que continuase a marcha conducindo."
Posteriormente, o home tentou conducir o vehículo, o que motivou a intervención da Garda Civil. Os axentes realizáronlle as probas de alcoholemia e, tras comprobar o resultado positivo, propuxérono para sanción, impedindo que continuase a marcha.
