A benvida aos novos traballadores tivo lugar nas instalacións de A Gándara, onde estiveron presentes o alcalde, José Manuel Rey Varela, o tenente de alcalde, Javier Díaz, e a edila de Seguridade, Pamen Pieltain.
“"Cumprimos o noso compromiso de incrementar o plantel para ofrecer un servizo máis eficaz, seguro e preparado para responder ás necesidades da cidadanía."
Dos 13 novos bombeiros, sete proceden dun proceso iniciado en agosto do ano pasado, mentres que os seis restantes foron seleccionados da primeira bolsa de interinos creada polo goberno local especificamente para este servizo.
O rexedor subliñou que estas incorporacións representan un
“"reforzo clave que ten un dobre impacto positivo"
Explicou que, por unha banda,
“"permite mellorar a capacidade de resposta ante emerxencias e garantir unha maior seguridade para a veciñanza"
e, pola outra,
“"contribúe a optimizar as condicións laborais dos propios profesionais, facilitando unha mellor organización das quendas, reducindo a sobrecarga de traballo e incrementando a eficiencia operativa do servizo."
