A organización do evento, a cargo da World Surf League (WSL), decidiu aprazar o inicio das primeiras mangas tras unha reunión na tarde do martes e outra na mañá do mércores. O océano Atlántico non presentou as condicións necesarias para o desenvolvemento da competición deportiva.
A nova data prevista para o comezo das probas sobre as ondas é o xoves ás nove da mañá, a expensas de que as condicións mariñas melloren. Mentres tanto, as actividades programadas en terra no Camping das Cabazas seguirán adiante.
Os asistentes poderán gozar da zona de skate, ludoteca, mercado e a área Vazva Art Division, que estarán abertas ata as 19.00 horas tanto o mércores como o xoves. O programa complétase co primeiro concerto, a cargo de Keepers, ao remate da xornada no mar.
