O colectivo de profesionais do Grupo de Emerxencias Supramunicipal (GES) de Mugardos fixo público o balance das súas actuacións durante os meses de verán, concretamente entre o 15 de xuño e o 15 de setembro. Durante este período, o equipo atendeu un total de 139 avisos, nun momento no que a poboación local aumenta significativamente, pasando de 35.000 a 73.000 habitantes.
Os bombeiros de Mugardos subliñan que todas estas intervencións se levaron a cabo "con dous profesionais por quenda e cada día con medios máis escasos e deteriorados", unha situación que lamentan profundamente.
En detalle, o GES enfrontou 31 incendios, dos cales 14 foron forestais, dez no contorno urbano, tres de carácter industrial e os catro restantes en vehículos. Ademais, o persoal cubriu 33 incidencias en estradas, participou en 16 rescates de persoas e realizou 17 intervencións relacionadas con animais.
A maior parte das saídas do GES, concretamente o 35%, tiveron lugar no propio municipio de Mugardos. Seguéronlle intervencións noutras localidades próximas como Fene (22,9%), Valdoviño (16,6%), Ares e Cabanas (10,2%), Neda (3,8%) e outras vilas (1,3%).
