O conselleiro de Presidencia, Xustiza e Deportes, Diego Calvo, visitou esta mañá as instalacións do Campo das Cabazas, en Covas, onde se celebra o certame hípico e de lecer familiar Equiocio. Durante a visita, Diego Calvo tivo ocasión de coñecer a oferta de actividades e seguir parte da competición.
Ademais, o conselleiro participou na entrega dos premios aos finalistas do Trofeo Deporte Galego. Pola súa banda, a delegada territorial da Xunta en Ferrol, Martina Aneiros, participará posteriormente na entrega dos trofeos Medio Rural, Galicia Calidade, Consellería de Cultura e Sogama.
