O operativo, que se estendeu dende as 16:00 horas do venres ata as 5:00 do sábado, implicou a realización de case 400 probas. Delas, doce deron positivo por consumo de alcol e dúas por THC (cannabis).
En canto aos delitos contra a seguridade viaria, tres condutores foron investigados. Un deles presentaba unha taxa de 0,76 miligramos de alcol por litro de aire expirado, mentres que outro rexistrou 0,83 e 0,84 mg/l nas probas repetidas. Un terceiro implicado circulaba sen o seguro obrigatorio do vehículo e coa ITV caducada dende o ano 2025.
Os puntos de control establecéronse en diversas vías da cidade, incluíndo a estrada de circunvalación con Caranza (fronte a Navantia), a rúa Rochel, a avenida de Compostela e a súa intersección con Cuntis, a rotonda Uxío Novoneyra, a avenida 19 de Febreiro, a FE-15 e a rúa Lousas con Joane.
