O navío, operado pola compañía Ambassador Cruises, tiña programada a súa chegada a Ferrol este 16 de maio. A suspensión da visita foi comunicada pola navieira pouco antes do mediodía, despois de que se confirmase a presenza dun brote de virus gástrico a bordo mentres o barco permanecía confinado en augas francesas.
Esta escala ía ser a cuarta da tempada para a cidade naval. O MS Ambition, con 216 metros de eslora e capacidade para 1.700 persoas, é un dos buques de maior tamaño que operan na ruta. A pesar desta cancelación, a compañía mantén programada unha nova visita á cidade para o vindeiro 7 de novembro.
“"Non debemos estender o alarmismo a temas tan serios como son os sanitarios."
O rexedor municipal pronunciouse sobre o suceso facendo un chamamento á prudencia e evitando entrar en detalles sobre a situación sanitaria do buque, ao tratarse dunha escala que xa foi descartada oficialmente polos responsables portuarios.
