Máis de 150 surfistas poderán competir no Gadis Surf Festival Ferrol, unha cita que este ano arrinca despois de que máis de medio centenar quedase na lista de espera. O 'check in' para os participantes está previsto para as nove e media da mañá, dando inicio a unha xornada festiva de San Xoán.
Entre os competidores atópase a canterana do RSM Surf de Pantín, Ana Piñón, quen aproveitará o seu 'wild card'. A deportista local participará na segunda rolda da competición, en concreto nos trintaidosavos de final. Na súa manga inicial, de momento, só coñece a unha das súas rivais, Carla Morera De La Vall, mentres que as outras dúas sairán da primeira rolda, que conta con oito mangas.
Tamén haberá representación española na primeira rolda con Enara Palacios, Cristina de Llano e Ane Loreiro. As previsións meteorolóxicas apuntan a temperaturas máis frescas para a xornada do mércores, mentres que se espera que o mar vaia crecendo significativamente para o xoves, o que beneficiará tanto aos deportistas como ao público asistente.
Ademais da competición de surf, o Camping das Cabazas tamén acollerá diversas actividades de ocio. A partir das 11.00 e ás 12.00 horas abrirán as súas portas a Área Skate e a ludoteca de Corresponsable, xunto co mercado e o espazo Vazva Art Division.
