As intervencións, que se prolongarán durante un período de catro meses, teñen como obxectivo principal a retirada de árbores caídas e biomasa acumulada no leito fluvial. Estas tarefas son fundamentais para garantir a circulación fluída da auga e minimizar o risco de inundacións en zonas catalogadas como de Alto Risco Potencial Significativo de Inundación.

Os traballos desenvólvense nas parroquias de San Martiño de Vilarrube, San Fiz de Esteiro e San Martiño de Cerdido. Para levar a cabo estas labores, o persoal técnico emprega tanto ferramentas manuais, como motoserras e rozadoras, como maquinaria pesada tipo tractor para a retirada dos restos vexetais máis voluminosos.

Esta iniciativa enmárcase dentro do programa autonómico de mellora do dominio público hidráulico das concas de Galicia-Costa. A finalidade última é restaurar as condicións naturais do ecosistema fluvial, actuando nas áreas de competencia da administración autonómica e diferenciando estas zonas das tramas urbanas, cuxo mantemento corresponde aos respectivos concellos.