O investimento conta con financiación europea, un total de 30.000€ do programa Galicia Feder, xestionados polo goberno municipal diante da Consellería de Presidencia. A parte de financiación municipal, 23.119€, cubrirase a través da incorporación de remanentes do ano pasado no orzamento do presente exercicio.
A nova miniescavadora formarase parte do parque móbil do Concello de Cedeira, dotando ao persoal de máis medios para traballos de prevención de incendios, como a apertura e mantemento de faixas de biomasa, a limpeza de pistas, a conservación de drenaxes ou o mantemento de accesos a puntos de auga. A máquina é moi versátil, cun consumo de combustible optimizado e capaz de moverse en espazos limitados, e leva cadeas de goma para desprazarse sen danar pavimentos.
O municipio de Cedeira ten un 60% de superficie forestal, cun destacado conxunto de montes de titularidade pública e relieves escarpados na Serra da Capelada. O Concello xa reforzou o seu equipamento en 2021 cun tractor con brazo desbrozador e en 2025 cun camión con guindastre, investimentos que superaron os 221.000€.
