A xornada comezou co contacontos «O conto que fai clap», de Sonia Hermida, unha sesión lúdica e participativa incluída no circuíto da Rede Cultural da Deputación da Coruña, que espertou o interese dos máis pequenos co ritmo das palabras.
A programación continuou co espectáculo «Mesón As Tres Gracias – Casa de Comidas», a cargo de Artes Escénicas – A Run Run, dentro do programa «Ler conta moito». Esta montaxe destacou pola súa creatividade escénica e xerou complicidade en toda a familia.
O Concello de Ares, a través da Concellaría de Cultura, agradeceu a participación veciñal nesta conmemoración, reafirmando a aposta por converter a biblioteca nun espazo vivo de encontro, aprendizaxe e descubrimento a través da lectura.
