O octoxenario, que fora visto por última vez o pasado sábado pola tarde, foi atopado por un voluntario de Protección Civil nunha finca próxima á súa residencia. A familia alertara ao 112 Galicia ao non poder contactar con el, o que desencadeou o despregamento dos equipos de emerxencia.

Os xestores do Centro Integrado de Atención ás Emerxencias de Galicia informaron aos axentes da Garda Civil, que iniciaron un dispositivo de busca que se prolongou ata a madrugada. A colaboración dos efectivos de Protección Civil foi crucial durante toda a operación.

Segundo informou o 112 Galicia, o achado produciuse esta mañá, pasadas as nove, cando o voluntario localizou ao home nun soto preto da súa vivenda. Debido aos síntomas de hipotermia que presentaba, foi trasladado de inmediato ao Hospital Clínico de Santiago para recibir atención médica.