A actuación terá lugar na Carixa ás 20:00 horas e forma parte deste programa provincial, dotado con 700.000 euros, que busca colaborar cos concellos na súa programación cultural e fomentar a lingua e a cultura galegas.
Vanesa Muela é cantante, multiinstrumentista e divulgadora de música tradicional. O seu repertorio inclúe xotas, romances, seguidillas e charros. Comezou a cantar aos 4 anos e realizou miles de concertos, dedicando unha parte importante da súa carreira á recuperación e difusión da tradición musical.
No espectáculo que presentará en Vila de Cruces, Muela estará acompañada por músicos do panorama moderno galego para ofrecer un percorrido polas músicas tradicionais cun enfoque fresco e innovador.
Este concerto é unha das 93 actuacións programadas dentro de +Música, que se desenvolverán entre maio e decembro en 58 concellos da provincia con menos de 50.000 habitantes. O orzamento total do programa é de 700.000 euros, co que a Deputación sufraga os custos dos espectáculos e promove Pontevedra como destino cultural.
A través desta iniciativa, a Deputación aposta pola descentralización da cultura e a oferta de actos de calidade por toda a xeografía provincial.
