O popular formato televisivo Mask Singer: adivina quién canta volve á programación de Antena 3 cunha quinta tempada chea de novidades. O espazo, presentado por Arturo Valls, emitirase cada mércores ás 23:00 horas, buscando manterse como líder de audiencia na súa franxa horaria.

Entre as principais incorporacións atópase o equipo de investigadores, que contará con caras novas para tentar descubrir as identidades ocultas tras as máscaras. A esta tempada únense Juan y Medio, Ruth Lorenzo e Boris Izaguirre. Este último ten unha notable conexión con Santiago de Compostela, cidade onde coñeceu ao seu marido, Rubén Nogueira. Todos eles acompañarán a Ana Milán, quen continúa no programa.

Ademais dos cambios no panel de investigadores, a dinámica do programa tamén se renova. A produción anticipa que estas modificacións "multiplican o xogo, a sorpresa e o espectáculo en cada gala", aumentando a tensión e o ritmo desde o inicio. Unha das novidades máis destacadas é a introdución dun dobre desenmascaramento en todas as galas.

A esta edición sumaranse doce máscaras principais, divididas en dous grupos, e seis "Wild Cars", que son novas máscaras que buscarán unirse á competición unha vez comezada. Estas últimas terán que enfrontarse entre si para conseguir as prazas dispoñibles. Tamén se incorpora "El QR de las máscaras", unha nova ferramenta que proporcionará pistas adicionais aos investigadores. O "botón delatador", que permite aos investigadores desenmascarar a alguén se están seguros da súa identidade, manterase nesta tempada.