A Consellería do Medio Rural informou hoxe da estabilización do incendio forestal rexistrado no concello lucense de Taboada, parroquia de Ínsua. O lume, que comezou ás 16,44 horas de onte, foi declarado estabilizado ás 22,26 horas.
Segundo as últimas estimacións provisionais, o incendio afecta unha superficie de arredor de 20 hectáreas. Para a súa extinción mobilizáronse 5 técnicos, 10 axentes, 22 brigadas, 14 motobombas, 3 pas, 9 helicópteros e 6 avións.
A Consellería do Medio Rural recorda á cidadanía a importancia de alertar sobre calquera lume forestal chamando ao número gratuíto 085. Tamén se dispón da aplicación móbil ALume para avisar sobre incendios activos en Galicia e dun teléfono anónimo e gratuíto, 900 815 085, para denunciar actividades incendiarias sospeitosas.
Ademais, toda a información actualizada sobre incendios forestais que acadan as 20 hectáreas poderá ser consultada na conta de X: @incendios085.
