Trátase dunha vía importante para a mobilidade local que presentaba un alto grao de deterioración e a intervención proxectada afecta a un tramo de case un quilómetro de lonxitude. A primeira fase dos traballos, que xa se atopa executada, incluíu a limpeza e perfilado de 400 metros de cunetas, a ampliación da plataforma ata os 6 metros e a renovación do firme nunha parte do trazado.
Para a segunda fase, que se executará na vindeira anualidade, queda pendente a outra parte do aglomerado e a instalación de nova sinalización.
As obras contan cun orzamento total de 59.978,88 euros que se financian a través do Plan Camiña, da Consellería do Medio Rural. Este programa está dirixido a mellorar, ampliar e conservar a rede de camiños dos concellos galegos, facilitando o acceso a entidades de poboación e zonas agrícolas, e mellorando a seguridade viaria e as condicións de vida nas zonas rurais.
