A iniciativa, cun custo estimado de case 50.000 euros, pretende ser financiada a través do programa +Provincia. A actuación contempla a instalación de novas luminarias e a substitución do sistema fluorescente actual por tecnoloxía LED de cor branco cálido.
Segundo a memoria técnica, prevese habilitar catro báculos con proxectores, dous deles orientados cara á fachada principal da igrexa de San Tomé e os outros dous na zona dos xardíns. Ademais, haberá iluminación LED indirecta baixo os bancos de pedra. O proxecto tamén inclúe a renovación do cableado e do cadro eléctrico, xa que os actuais presentan un notable deterioro.
“"A día de hoxe hai unha falta de luz evidente neste espazo, polo que imos renovala para garantir un maior confort e máis seguridade, ademais de conseguir un aforro enerxético moi importante."
Esta mellora enmárcase nunha serie de actuacións similares levadas a cabo no casco urbano. Durante o pasado mes de abril, instaláronse novas luminarias eficientes nas rúas Laureano Salgado e A Oliva. Tamén se renovou a iluminación do reloxo do Campanario e a ornamental da ponte sobre o río Bermaña. O prazo de execución estimado para esta renovación é de dous meses.
“"Son actuacións que buscan mellorar a eficiencia enerxética, pero tamén a estética da nosa vila."
