Esta será a terceira convocatoria destes obradoiros formativos, que se desenvolverán ao longo do mes de maio. A decisión chega tras o éxito das edicións anteriores, que contaron cunha notable participación.
Segundo informou o departamento de Igualdade, as sesións previas, realizadas entre o 17 de marzo e o 24 de abril na sede do Centro de Información á Muller (CIM), rexistraron a inscrición de 25 mulleres. As clases impartíanse os martes, en horario de 10.00 a 13.00 horas.
Os cursos están deseñados para veciñas que se atopen en situación de desemprego ou que busquen mellorar a súa situación laboral. Entre as temáticas abordadas inclúense a manipulación de alimentos, estratexias para a busca de emprego, preparación para entrevistas de traballo, elaboración de currículos efectivos e desenvolvemento de competencias dixitais.
“"O obxectivo do Goberno local é contribuír a continuar reducindo os índices de paro que se rexistran no municipio e que xa marcan unha clara tendencia á baixa nos últimos anos."
As persoas interesadas en participar nesta nova convocatoria poden obter máis información chamando aos números de teléfono 660 355 831 ou 986 530 814, ou enviando un correo electrónico á dirección [email protected]. Esta iniciativa está cofinanciada con fondos europeos.
