O sinistro produciuse por un impacto por alcance, que provocou que o turismo saíse da vía e chocase contra a mediana da autoestrada. Un terceiro ocupante do vehículo puido saír por si mesmo, segundo informou o 112 Galicia.

Fontes de Emerxencias de Galicia sinalaron que "todos están a recibir asistencia médica por diferentes lesións e traumatismos". A alerta chegou ao Centro Integrado de Atención ás Emerxencias de Galicia non só por avisos doutros condutores, senón tamén a través do sistema automático (ecall) dun dos vehículos implicados. A información confirmaba a colisión entre un coche e un camión, coa posterior saída de vía do turismo contra a mediana na zona de Aranga.

O accidente rexistrouse sobre as 18:30 horas no quilómetro 554 da A-6, á altura de Feás. Ata o lugar desprazáronse os medios de emerxencia necesarios para atender aos tres feridos: Urxencias Sanitarias de Galicia-061, Bombeiros de Betanzos, membros do GES de Curtis e axentes da Garda Civil de Tráfico.