O suceso tivo lugar a última hora da mañá deste venres en Betanzos, na zona de O Rollo, onde un home sufriu un accidente no seu negocio e non podía moverse. A súa situación requiriu a intervención inmediata dos servizos de emerxencia.

Efectivos da Policía Local e dos Bombeiros de Betanzos desprazáronse ata o lugar dos feitos. Para poder asistir ao ferido, que segundo testemuñas saíu consciente, os bombeiros tiveron que forzar a porta do establecemento.

A mobilización dos servizos de emerxencias e a presenza de curiosos na zona chamaron a atención dos veciños ante o operativo despregado no número 34 da rúa O Rollo.