A distinción será entregada ao director do centro penitenciario de Teixeiro e a unha xuíza de primeira instancia de Betanzos. Estes galardóns buscan visibilizar traxectorias e proxectos que contribúen significativamente a estes obxectivos sociais.
A comisión técnica encargada da valoración dos premios decidiu por unanimidade conceder este recoñecemento a ambos os profesionais, destacando a súa "calidade humana e profesional".
“"A súa firme implicación en materia de igualdade e a súa excepcional praxe profesional son un exemplo para a sociedade."
No caso do director do centro penitenciario, o xurado subliñou a súa "firme implicación en materia de igualdade", facendo especial mención ao seu impulso do programa Ser muller. Esta iniciativa, que conta coa colaboración do Concello de Curtis, ten como obxectivo ofrecer "ferramentas de empoderamento e transformación social" ás participantes.
Pola súa banda, a xuíza de Betanzos, con competencia en violencia de xénero, foi recoñecida pola súa "excepcional praxe profesional". O xurado resaltou a súa "sensibilidade especial que consegue minimizar as consecuencias emocionais e o impacto traumático das mulleres e dos fillos durante o proceso xudicial".
