O incidente tivo lugar arredor das 18:15 horas do venres, cando un particular alertou ao 112 Galicia de que un home e unha menor estaban a ser levados pola corrente mentres practicaban bodyboard. O alertante indicou que intentaría o rescate con táboas de surf.
O centro de emerxencias mobilizou a Salvamento Marítimo, a Policía Local, a Garda Civil, a Protección Civil e o 061. Afortunadamente, o pai e a filla foron rescatados sen sufrir feridas e non precisaron asistencia sanitaria.
A súa intervención foi clave para garantir a seguridade das persoas implicadas, demostrando unha vez máis o valor da preparación, a responsabilidade e o compromiso co mar.
O Concello de Malpica expresou o seu "máis sincero agradecemento" aos dous monitores da One Surf Academy a través das súas redes sociais, eloxiando a súa "rapidez e profesionalidade". A administración local tamén fixo un chamamento á prudencia e á responsabilidade á hora de realizar actividades acuáticas.
