O director de Turismo de Galicia, Xosé Merelles, acompañado polo director xeral de Maiores e Atención Sociosanitaria, Antón Acevedo, e a directora xeral de Desenvolvemento Pesqueiro, Ángeles Vázquez, asistiu á Festa do Percebe do Roncudo. Esta celebración, declarada Festa de Interese Turístico de Galicia desde 2014, contribúe a promover a imaxe de Galicia como destino turístico de calidade e a valorar a tradición percebeira e mariscadora da comunidade.
A Festa do Percebe de Roncudo é un exemplo de festa local que aposta polo produto de proximidade e pola promoción da cultura mariñeira como ferramentas para dinamizar o destino. Turismo de Galicia investiu nos últimos anos máis de 28.000 euros na promoción desta cita a través da axuda para a celebración de festas de interese turístico galego.
