O inmoble, de catro plantas, quedara sen rematar tras a crise inmobiliaria, hai case vinte anos. Agora, o novo proxecto prevé a construción de 19 vivendas, 20 prazas de garaxe e 21 trasteiros.
O investimento total para esta iniciativa supera os 1,4 millóns de euros, o que supón un impulso significativo para o sector da construción na localidade.
“"O municipio vive o seu momento de maior dinamismo urbanístico desde 2008."
Este proxecto enmárcase nun período de notable actividade construtiva en Carballo. Durante os anos 2024 e 2025, rexistráronse 124 solicitudes para a edificación de vivendas en bloques. O ano 2025 pechou con 80 novas vivendas xa construídas, consolidando unha clara tendencia ascendente. Ademais, no primeiro trimestre do presente ano, xa se tramitaron licenzas para 14 novas vivendas.
