Durante o mes de maio, MercaEscola ofrecerá diversas actividades. O luns, 4 de maio, terá lugar unha sesión informativa sobre servizos financeiros e bancarios, enmarcada no programa Consumo en ruta do Instituto Galego de Consumo e da Competencia.
Posteriormente, o día 11, impartirase unha charla teórico-práctica sobre compostaxe doméstica e xestión de residuos. O 18 de maio, os participantes poderán gozar dunha sesión de mindfulness, dirixida por unha profesional do centro Aqí&Agora.
O programa de maio culminará o día 25 cunha visita guiada pola parroquia de Aldemunde. Desde o seu inicio en marzo, MercaEscola esgotou as 30 prazas dispoñibles en case todas as súas sesións, demostrando o interese da comunidade.
“"Por unha banda, ofrecemos unha formación útil e práctica para o día a día dos nosos veciños e veciñas; por outra, dinamizamos o mercado municipal, fomentando que a xente se achegue á praza de abastos non só a mercar, senón tamén a experiencias."
Entre as actividades xa realizadas, os asistentes participaron en proxeccións de cine, visitas guiadas a oficinas e exposicións, sesións informativas sobre consumo co IGCC, xornadas de saúde con profesionais médicos, un obradoiro sobre a calidade da auga do Anllóns co Grupo de Investigación en Cambio Ambiental e Paleobioloxía (GRICA-Biopast) da Universidade da Coruña, e unha charla sobre seguridade viaria.
