Durante unha entrevista no programa televisivo El Hormiguero, Zahera, orixinario de Compostela, desvelou que xa está inmerso na produción desta ficción. As súas declaracións son as primeiras dun membro do elenco dende que Netflix confirmou a continuación da serie en outubro, apenas 18 días despois da estrea da primeira tempada.
A comedia, que acadou 14,8 millóns de visualizacións en España durante 2025, busca retratar con humor e retranca as situacións cotiás ás que se enfrontan veterinarios como Antón, personaxe interpretado por Zahera, debido ao peculiar apego dalgúns donos polos seus animais de compañía.
“"Estou tamén con Animal, acabo de arrancar con Animal, que por iso estou con este look."
Aínda que os castings para figurantes, realizados a finais de marzo, indicaban que a rodaxe tería lugar en maio en Santiago e arredores (como Ponte Maceira, Arzúa, Teo ou Vedra), as palabras de Zahera suxiren que as gravacións comezaron antes do previsto. Isto podería implicar a inclusión de novos escenarios máis aló de Galicia nesta nova entrega da serie.
